المشهد الأول ::
روحك فارس القبيله الذي لا يشق له ثوب يمتطي جحشه وينطلق الى الغدير ليسقي جحشه ... فيشاهد مجموعة بنات يردن على الماء.. فيقول: وش هالزحمه والله لو أنه خباز ...
ثم يرى بينهن مراام فيدق جوال روحك وقلبه ويغني ..
شفتك ولا حطيت عيني بعينك
ويغادر الغدير وسط ضحكات البنات الله يرجهن ....
المشهد الثاني ::
مرام تشكي حبها لخويتها شاربة التي ترد عليها اسكتي يا شينه والله مالك غير ولد عمك فارس ..
فترد مرام عليها : كش عليكي يا دبه لا تحطمين مشاعري !!!!
المشهد الثالث ::
فارس يتقهوى عند عمه الشيخ ابومرام شيخ القبيله .. ويطلب يد بنت عمه مرام وقرونها !! فيوافق الشيخ ويخبر مرام بالخبر فتغضب مرام وتقول : يا بابافارس داشر ويدخن مالبورو أحمر وما معه شهادة كيف اخذه .. ؟!!
فيرد ابوها ..انثبري يا ملا الوجع ، مالك إلا ... ولد عمك اولى من الغريب
وبعدين فارس هو فارس القبيله والكل يحبه صحيح أنه ما يكتب مواضيع زينه في المنتديات لكنه شجاع
المشهد الرابع ::
روحك يقابل مرام بسوق الحريم ومكان الغزل حق القبيله الغدير ويتبادل معها هدايا الحب .. أهداها كرتون تمر وهي أهدته كيس جريش ..
روحك يقول لمرام : ليش يا عمري منتي حاطة بلوك على ولد عمك فارس ؟!
فترد مرام عليه : ما أقدر ..
وتخبره مرام بخطبة فارس لها... فيحزن روحك وتدمع عيناه ( دخل فيها تراب )
المشهد الخامس ::
الشيخ ابومرام ورجال القبيله مجتمعين في بيت الشيخ يشاهدون برنامج من سيربح المليون
يأتي مصيول راعي الغنم يصرخ : الحلال ياعمي انسرق.. الحلال انسرق ...
ويهب الشيخ ورجاله واقفين على حيلهم ويصرخ الشيخ ابو مرام ويقول :-
من يرد الحلال ويربح بنتي مرام وله ثلاث وسائل مساعده:- ياخذ بارودتي وحصاني -- او يحذف عصا -- او يتصل على مصيول ؟؟؟؟
ويقف فارس ويقول " انا لها يا عمي ...
وينطلق فارس على حصان الشيخ ليلحق بالغزاه ليرد الحلال
المشهد السادس ::
الغزاه يمسكون فارس ويصفقونه وياخذون حصانه وبارودته ويخلونه يدقها كعابي للقبيلة .. طلع خرطي !!!
وهنا يقفز روحك ويقول : محد يرد الحلال غيري فيرد الشيخ قم بس قم !
وينطلق روحك ويلحق بالغزاه ويطخطخهم كل ابوهم وامهم ويرد كل الحلال ...
يهب يا وجهه .. علشان الحب .. ولا هو من جنبها ..
ماعدا كم غنمه ماتن بالطريق من حمى الوادي المتصدع !!!!
المشهد السابع ::
يصل روحك مع الحلال للقبيلة ... وهو سعيد صالح بفوزه بمرام... ( بالهدف الذهبي )
وتتم الخطوبه والشبكه ( أبراجها فل ) وعمت الفرحه القبيله ويتم تحديد الزواج في
العطلة الصيفيه في قاعة جرف ليالي الغنم ..
ويشتري روحك كم حصان بالتقسيط ويبيعهن كاش حتى يوفر متطلبات العروس وجهازها. ��
*
*
*
*
*
فاصل غنائي
سووو يا سوو حبيبي حبسووو
حبيبي عاوز لمبه ,, من فين آجيب له لمبه
الواد بياع اللمبه حبسوني وحبسووووهـ
. . . .
دووهـ يا دوووهـ حبيبي جلدووووهـ
حبيبي عاوز علكه من فين اجيب له علكة
الواد بياع العلكه حبسوني وحبسوووهـ
************
((((((((( عدنــا ))))))))))
المشهد الثامن :: قبل الزواج.. بكم شهر بدأت تمرض مرام مرضاً شديداً وبعد ان عجز دكاترة القبيله في علاجها يأخذها ابوها الى المدينه ( تورط المخرج ) ويعرضها على اكبر الاطباء ..
وبعد فحوصات شاملة يقرر الطبيب ان مرام تحمل صفات وهرمونات ذكوريه!!
ولابد من عمليه لتغيير جنسها من امرأة الى رجل .. ( قعد بها روحك )
وتتم العمليه وتصبح ( مرام ) عقاب <==== مهو هذا اللي بلا أبوه
المشهد التاسع ::
فرح ابومرام لانه يريد ولداً يرث حكم القبيلة بعده .... ( يا شين هالوراثه )
وفرحت مرام التي اصبحت عقاب لانها كانت معجبه بصديقتها شاربة
ودزتلها ايميل وبشرتها ...
واخذت تسجد شكرا لله ..
وعادوا للقبيلة بعد ان تبدل حال مرام الى عقاب وقصت قرونها بعد ما كانت تسوي شعرها كعكه لأنه خشن
المشهد العاشر ::
يصل الخبر الى روحك الذي كان قد جهز بيت الزوجية ( خيمة )
فيسقط مغشياً عليه ( مسكين .. ماله دور ثاني ) فيشممونه كلونيا وبصل ولكن
دون جدوى فقد مات روحك ... ( لو شمموه شماغه كان صحى ) .. وعلم عقاب ( مرام ) بموت روحك فحزن حزناً شديدا جعله يتزوج من شاربة!
-*-*-*///*-*-*-
النهــــــــايه